Անվտանգություն
Անվտանգության առումով ամենաանվտանգները էներգիայի այլընտրանքային աղբյուրներն են։ Օրինակ՝ քամու կամ արևի էլեկտրակայանները։ Դրանք ոչ մի արտանետումներ չունեն և էներգիա են ստանում բնական, մաքուր աղբյուրներից, դրանց միակ վնասը կարող է լինել մեծ տարածքների զբաղեցումը և փչացումը։ ՀԷԿ-երը նույնպես քիչ վտանգ են ներկայացնում, որովհետև չունեն արտանետումներ և էներգիա են ստանում բնական ջրից։ Դրանց ամենամեծ վնասը կարող է լինել խափանումը, որոնց հետևանքով ջրհեղեղ կառաջանա։ Նաև վնաս է, երբ ՀԷԿ կառուցելու համար մեծ տարածքներ են ոչնչացվում։ Ամենավտանգավորները ԱԷԿ-ները և ՋԷԿ-երն են։ ԱԷԿ-ները թողնում են շատ վնասակար արտանետումներ, որոնց ոչնչացման համար տարիներ են պետք։ Նաև խափանումը մեծ վնասներ է հասցնում։ Օրինակ՝ ինչպես Չեռնոբիլի աղետը։ ՋԷԿ-ները ունեն ամենաշատ արտանետումները։ Աղտոտում են օդը ածխածնով և ստեղծում գլոբալ տաքացում, աղտոտում են ջուրը, որոնց հետևանքով կարող է տվյալ գետի կամ լճի բուսական և կենդանական աշխարհը ոչնչանալ։
Արդյունավետություն
Իհարկե այս բոլոր էներգիայի աղբյուրներից ամենաարդյունավետները ամենավտանգավորներն են՝ ԱԷԿ-ները և ՋԷԿ-երը։ Ամբողջ աշխարհում էներգիայի մեծ մասը ստացվում է ՋԷԿ-երից։ Պակաս արդյունավետ չեն նաև ԱԷԿ-ները։ ԱԷԿ-ները ավելի քիչ վառելիք են ծախսում, բայց ավելի շատ էներգիա են ստանում։ Արդյունավետ են նաև ՀԷԿ-երը, Արևային և քամու էլեկրոկայանները, որովհետև դրանք ստացվում են բնական և անսպառ աղբյուրներից, սակայն, բարդություններ են առաջանում այդ էներգիան քաղաքներ հասցնելուց։ Քամու էլեկտրոկայանները կառուցվում են քաղաքներից հեռու, որպեսի աշխատելու ընթացքում ստեղծված ձայները չխանգարեն մարդկանց, դրա համար էլ էներգիան քաղաքներ հասցնելու համար մեծ գումարներ, տարածք է պահանջվում։ Նաև ճանապարհին լինում են էներգիայի կորուստներ։ Մեկ քաղաքին ամբողջությամբ արևային էներգիայով ապահովելու համար անհրաժեշտ է այդ քաղաքից մի քանի անգամ մեծ տարածք, արևային էլեկտրոկայան կառուցելու համար։ Նաև քամուց և արևից էներգիա ստանալու համար պետք են նպաստավոր կլիմայական պայմաններ, որոնք աշխարհի ոչ բոլոր մասերում են հասանելի։
Ապագա
ՋԷԿ-երը մոտավորապես 40-70 տարի հետո արդեն չեն աշխատի, քանի որ գնահատվում է, որ այս նույն չափով օգտագործելով այդքան ժամանակ անց կսպառվեն պաշարները։ Վառելիքների սպառումից հետո շատ կմեծանան այլընտրանքային էներգիայի աղբյուրների դերը մարդկանց համար ու արդեն պետք է զբաղվել տարբեր անվտանգ և անսպառ էներգիայի աղբյուրները շատացնելու և ավելի արդյունավետ դաձնելու գործերով։
Խնայողություն
Նավթը, ածուխը և գազը դեռ չեն վերջացել և դրանք ավելի երկար օգտագործելու համար պետք է սկսել ավելի խնայողաբար օգտագործել էներգիան։ Այդպես նավթը, ածուխը և գազը հնարավորինս ուշ կվերջանան ու ավելի օգուտ կտան, քանի որ այս էներգակիրները համարվում են ամենարդյունավետները։ Բայց մի կողմից էլ ավելի լավ է, որ այս նյութերը վերջանան ու բնությանը վնաս պատճառելով էներգիա ստանալու փոխարեն մարդիկ օգտվեն ավելի անվտանգ և անվերջ էներգիայի աղբյուրներից։
Էներգիա խնայելու օրինակ
Հեռախոսը լիցքավորելիս միացրե՛ք թռիչքի ռեժիմը, որպեսզի լիցքավորումը չդանդաղի, քանի որ այն շարունակ էներգիա է ծախսում բջջային կապի աշտարակների հետ կապ հաստատելու և GPS գործառույթի միջոցով ձեզ տեղորոշելու համար: Թռիչքի ռեժիմում մարտկոցն ավելի արագ է լիցքավորվում:
Որքան պայծառ է էկրանի լուսավորությունը, մարտկոցն այնքան շուտ է լիցքաթափվում: Թրթռումը (վիբրացիան) ավելի շատ էներգիա է ծախսում, քան զանգի ձայնը: Նվազ էներգասպառման ռեժիմը ևս երկարացնում է մարտկոցի օգտագործման ժամկետը